Veðrið í vikuni - dag fyri dag:

Mánadag - annan hvítusunnudag: Útsynningur, seinni útnyrðingur; um kvøldið landnyrðingur eystan, 1-5 m/s. Skýggjað um morgunin, men so gerst tað klárari. Út á fyrrapartin klárt við sól ella sólglottum.

Hitin mánadagin fer at liggja um 10 stig.

Týsdag: Eystan, stilli um náttina, men út á fyrrapartin upp í 5 m/s; út á seinnapartin 5-10 m/s. Vit kunnu vænta høg lagskýggj (cirrostratus) og nakað av miðalhøgum skýggjum (altostratus). Onkrasteðs eisini toku (har sum ættin er til tað).

Í aðrar mátar er tað turt týsdagin, og hitalagið fer at liggja um 9 til 11 stig.

Mikudag: Eystan, vindferðin um morgunin um 5-10 m/s, men á middegi eru 8 til 13 m/s. Skýggjað og yvirhøvur turt allan dagin. 

Hitin mikudagin fer at liggja um 8 til 10 stig.

Hósdag: Eystan, um náttina 8 til 13 m/s, men fram ímóti middegi 10 til 15 m/s. Um kvøldið 5 m/s av landsynningi. skýggjað og ælaveður í støðum allan dagin ella regn.

Hitalagið hósdagin fer at liggja um 8 til 10 stig.

Fríggjadag: Landsynningur, vindferðin minkandi úr 5 m/s niður í lítið ella einki. Skýggja og regn um náttina, men fyrrapartin slítur í, og tað verður klárari. Kanska heilt klárt og sólglottar.

Hitalagið fríggjadagin fer at liggja um 10 til 12 stig.

Leygardag: Eystan - út á dagin landnyrðingur og norðan, vindferðin úr 5 m/s ella minni. Skýggjað ella klárt við sólglottum um morgunin og út á seinnapartin, men so fer at regna eina løtu. 

Hitalagið leygardagin fer at liggja um 8 til 10 stig.  

Sunnudag: Lítil ella eingin vindur av norði niður í eystan. Klárt og sól, har ættin er til tað. Aðrasteðs toka ella eitt bland av báðum. 

Hitalagið sunnudagin fer at liggja um 8 til 10 stig.