Um vit siga, at KÍ ikki ger nakra sensatión í Champions League móti Bodø/Glimt, so skal KÍ møta taparanum av Ludogorets (Bulgaria)-Sutjeska (Montenegro), har Ludogorets er stórfavorittur at vinna. Um KÍ møtir Sutjeska, so eigur KÍ at hava góðan møguleika at spæla seg víðari. Sutjeska hevur síðstu árini kappast um meistaaraheitið við Buducnost, sum HB í fjør yvir tveir dystir samanlagt vann 6-0 móti í Conference League. 

Hini føroysku liðini hava eisini góðan møguleika at spæla seg í 2. umfar í Conference League. Gera tey tað, so spæla B36 og Víkingur á útivølli seinna dystin, sum er ólavsøkuaftan, meðan HB spælir á heimavølli móti Spartak Trnava.

UEFA skrivar um 2. umfar í Conference League:

Ties take place on 21 and 28 July, with extra time and a penalty shoot-out if required after the second leg.

Tað er tó ikki heilt óvanligt, at dystir kunnu blíva fluttir ein ella tveir dagar í altjóða kappingum.