Lýsing
Lýsing
Lýsing

Kenya-kvøld í Lívdini - hundraðtals børn úr ruskdunganum

SKRIVAÐ: Poul J. Djurhuus  |  21.06.2022 - 07:42 Mentan Tíðindi

Væl av fólki var savnað í samkomusalinum LÍVDINI í Hoyvík mánakvøldið kl.19:00, tá hjúnini Jóna og Billy Hansen skipaðu fyri KENYA-KVØLDI, har fleiri framløgur vóru, sum við myndum, videoklippum og frágreiðingum varpaðu ljós á Missiónsarbeiðið, sum altjóða felagsskapurin NLAI ger millum heimleys børn og ung í Kenyanska býnum Nakuru, sum ikki liggur langt frá høvuðsstaðnum Nairobi. 

 

NLAI stendur fyri New Life Africa International. Tað vóru donsku hjúnini Susanne og Leif Madsen, sum fleiri ferðir hava vitjað í Føroyum, ið vóru við til at byrja altjóða Missiónsarbeiði í Kenya, sum í dag hevur 26 ár á baki. Susanne og Leif Madsen vóru komin til Føroyar til tess at vera við á Kenya-kvøldinum í Lívdini.

 

Áhoyrarnir sótu væl í meira enn tveir tímar, meðan teir hoyrdu søgurnar um heimleys børn og mammur við børnum, sum dagliga halda til á plássum, har burturkast frá húsarhaldi verður savnað. Tað var hugaligt og lívsjáttandi at hoyra, hvussu felagsskapurin NLAI hevur hjálpt hundraðtals børnum og ungum í Nakuru burtur úr fátækradøminum við at geva teimum møguleika at koma í skúla og enntá at fáa gjøgnumført hægri akademiskan lestur. Fyrsta endamáli hjá Felagsskapinum er at geva hesum evangeliið.

 

Felagsskapurin rekur í dag barnaheim og skúlar, har heimleys børn og ung fáa eitt støði at byggja víðari á í lívinum. Eisini rekur felagsskapurin seymiskúlar, har fátækar mammur kunnu nema sær eina 4-ára útbúgving innan seyming, sum ger tær førar fyri at byrja egið virkið.

 

JENIS av RANA

Tað var Jenis av Rana, sum endaði kvøldið, har hann m.a. varpaði ljós á altjóða menningarhjálpina, sum Føroya Landsstýri stendur fyri, og var tað ein fegin mentamálráðharri, sum sannaði, at menningarhjálpin úr Føroyum hevur verið tiltakandi seinastu árini. 

Lýsing
Seinastu tíðindini
Minningarorð um Álvur Zachariassen
Ferðatrupulleikar hjá KÍ síggjast aftur…
Løgmaður sent Mette Frederiksen samkensl…
Man kann ikki bæði blása og hava mjøl í…
Fesk hýsa og toskur at fáa í Neystinum
Varðin og Palli hjá Mariannu: Fjórðingsm…
Myndarøð: Góðveður í Bodø
Filmur frá Voxbotn 2022
Myndarøð: KÍ-hópurin er komin uppá pláss…
Á Floksmannadegi - fuglar og náttúra
Kári skal menna nýggjar dómarar
Stórur vøkstur í persónsskatti­num í juni
Føroyaleikir: Oddvør er skjótast
- Vit mugu toppa fyri at hava ein møgule…
Akstovan eigur ikki at flyta úr Klaksvík
Akstovan eigur ikki at flyta úr Klaksvík
Tørvur á politiskum loysnum og einum hjá…
Hug at læra at gera film?
Landsliðið til NM
Klaksvíksdamur vunnu á havnardamum