KÍ kann í dag taka eitt stórt fet móti meistaraheitinum, um tað eydnast at vinna á HB á Tórsvølli.

HB hevur lagt dystin á Tórsvøll, og tað er í hesum føri helst gott fyri bæði liðini. HB hevur nógv betri úrslit síðstu árini á Tórsvølli enn á ovara vølli, meðan KÍ hevur brúk fyri at venja seg við Tórsvøll, har mest sannlíkt fleiri týdningarmiklir dystir eru á skránni seinni í ár í Evropafótbólti og kappingini um løgmanssteypið.

Hjá HB vóru Hilmar Leon Jacobsen, Jákup Thomsen, Gustav Kjeldsen og Heri Mohr ikki við seinast. Hjá KÍ eru Jonn Johannessen og Dmytro Lytvyn skaddir. Páll A. Klettskarð er ivasamur. Hann sat á bonkinum allan dystin seinast.

Dysturin byrjar kl. 17.00. Dómari verður Jóhan Hendrik Ellefsen.