Lýsing
Góð jóansøka hjá KRF
Fípan Fagra, Páll Fangi og Klaksvíkingur vunnu allir tryggar sigrar á jóansøku.
Tað gekk skjótt og væl at avgreiða jóansøkuróðurin í góðum veðri í Vági í dag. Eins og undanfarnu róðrar, so vann Fípan Fagra við gentum í stórum stíli og næstan tað sama gjørdu menninir á Páll Fanga.
Hjá 10-mannaførum var spurningurin, um tað fór at hjálpa Norðingi at skifta bát. Tað gjørdi tað, men í ov lítlan mun til at vinna. Munurin minkaði hesaferð millum Klaksvíking og Norðing, men Klaksvíkingur var framvegis meir enn eina hálva bátslongd frammanfyri. Róðurin kundi tó bent á, at alt ikki er avgjørt enn. Nú eru tvær vikur fram til komandi róðurin og tá kann meir ofta broytast, enn tá ein vika er millum róðrar, sum tað er sum oftast.
Seinastu tíðindini