Upptakt: KÍ-NSÍ
Í kvøld spælir KÍ síðsta landskappingardystin áðrenn landskappingin fer í summarfrí.
KÍ fær vitjan av NSÍ. Tað plagdi at verða spennandi og undirhaldandi dystir, men hesaferð er KÍ stórfavorittur. KÍ er oddalið, meðan NSÍ er viknað í mun til undanfarnu ár og liggur á 7. plássi.
Hjá KÍ eru Jonn Johannessen og Dmytro Lytvyn framvegis skaddir. Odmar Færø fór út móti HB og spælir ikki hendan dystin, meðan Deni Pavlovic hevur leikbann. Páll A. Klettskarð kom inn móti endanum seinast og tað er kanska tekin um, at hann nærkast spælitíð aftur eftir skaða síðstu dystirnar. Hjá NSÍ spældu leikarar sum Aron Knudsen, Tórður Thomsen og Oddur Højgaard ikki síðsta dyst. Pætur Skipanes og Beinir Nolsøe hava leikbann.
Dysturin í Klaksvík byrjar kl. 18.30 og dómari verður Rúni Gaardbo.