Ringasta veðrið hevur verið. Nú fer spakulig at verða betri. Allar veðurstøðirnar kring landið hjá Veðurstovuni siga frá minkandi vindi.

Av teimum 6 støðunum hjá Veðurstovuni, søgdu tær í Akrabergi og á Borðuni frá mesta miðalvindinum, um 25 m/s. Hetta var í tíðarskeiðinum frá klokkan 3 í morgun til til klokkan 9. Nú minkar spakuliga.

Avfall er enn kring alt landið, men ikki leingi afturat. Skýggini við regni reka eystureftir, og um 13 tíðina eru tey farin eysturum. Okkurt verður hangandi og fer at geva okkum ælaveður seinnapartin.

Floglíkindini hava ikki verið tey bestu í morgun, Eitt flogfar lendi klokkan 07.41, men øll hini eru seinkað. Flogfarið úr Bodø við fótbóltsleikarum stendur at skula lenda klokkan 15.00. Tá er veðrið nakað betri enn nú, so helst er lendandi tá.