Lýsing
Lýsing
Lýsing
Høvuðssætið í Tórshavn

Netverksfundur hjá Vinnulívsráðnum í Klaksvík

SKRIVAÐ: Jóhann Lützen  |  13.09.2022 - 14:36 Tíðindi Vinna

Ráðgevara- og verkfrøðingafyritøkan SMJ verður vertur fyri Netverksfundi

Mikudagin 14. september kl. 14.30 verður ráðgevara- og verkfrøðingafyritøkan - sum hevur høvuðssæti í Tórshavn og eina deild í Klaksvík - vertur fyri Netverksfundi sum samskipaður verður saman við Vinnulívsráðnum í Klaksvík.

Fundurin verður í nýggju Miðhøllini á Skúlanum á Skúlatrøð.

Hendan fyritøkan, sum klaksvíkingurin Sofus M. Jakobsen, eftir verkfrøðingaútbúgving í Danmark, setti á stovn í 1969 hevur ment seg sera nógv og er vælkend við dyggum virksemi bæði í Føroyum og í útlondum.

Fyritøkan hevur nógv fólk í arbeiði bæði í Havnini og í Klaksvík sum ráðgevandi og havt nógvar sera áhugaverdar, spennandi og krevjandi verkætlanir um hendur ígjøgnum árini.

Skráin verður sett upp við trimum fyrilestrum og frágreiðingum og til seinast verður høvi hjá fundarluttakarunum at seta spurningar:

 

-       Fyrst fer Árni Jakobsen, stjóri, at greiða frá um SMJ fyritøkuna, sum pápin Sofus M. Jakobsen, setti á stovn í 1969. Fer at taka um upprunan og greiða frá áhugaverdu menningini og ætlanum.

 

-       Eftir tað,fer Jóhan J. Joensen, sum er deildarleiðari, at greiða frá serstøku verkætlanum teir hava uttanlands eitt nú í Noregi og í Íslandi, sum verða stýrdar av deildini í Klaksvík.

 

-       Seinastur, fer Pætur Jakobsen, sum ídag er medstjóri at greiða frá støðuni ídag og spennandi ætlanum í framtíðini.

 

Sjálvandi verður høvi til at seta spurningar og at práta saman og í hesum sambandi verður eisini ein drekkamuður við onkrum afturvið.

 

Alt í alt er hetta ein spennandi og framrættaður Netverksfundur við visjónum.

Fundurin verður í nýggju Miðhøllini á Skúlatrøð 14. september 2022 kl. 14.30.

Fundurin er fyri limir í Vinnulívsráðnum við avvarandi starvsfólkum.

 

Deildin í Klaksvík

Lýsing
Seinastu tíðindini
Myndir frá KÍ høllini
Kl. 12.00: 436 verið á vali
Valevnini vitjaðu Norðlýsið
Bil á valstaðið
Borgar­stjó­rin stúrin fyri hvat hendir af…
Góðu Fólka­floksveljarar
FYRST VÁGUR, NÚ FØROYAR
Kaféirnar væl vitjaðar
Góði veljari
Íbúðaveiting
Eftirløn – nýbrot.
Skúlin er ikki fyri øll!
Slagið stendur í morgin
GOTT VAL 
Arbeiðsmarknaðarmál skulu á skrá
Menniskjalív við lív í
Tey 10 politisku boðini
Rossini á Skoradali
Robottur ella røktari
EINFALDA MÁLIÐ UM GONGD Í HAGA