KÍ kvinnurnar meistarar fyri 22 ferð
Tað hevur gingið ómetaliga væl hjá KÍ kvinnum seinastu árini, og í dag kundu tær - eftir ein sannførandi 0-4 sigur á Víkingi - fagna fjóra meistaraheitið á rað.
Tað var bert NSÍ, ið kundi tikið meistaraheitið frá KÍ í ár, men við sannførandi spæli hava tær í dag endurvunnið meistaraheitið áðrenn tvey tey seinastu umførini eru spæld.
Tað var Durita Hummeland, ið byrjaði málskjótingina longu í 12 minutti. Durita hevði undan dystinum í dag skorað næst flest mál fyri KÍ við 10 málum. Eina løtu seinni økti Maria Vinjardsdóttir Johansen um leiðsluna til 0-2, sum eisini var hálvleiksstøðan.
KÍ kvinnurnar vóru ikki lidnar við at skora, tí í seinna hálvleikki øktu Malena Olsen og Rannvá B. Andreasen um leiðsluna við ávikavist 0-3 og 0-4.
Vit á Norðlýsinum ynskja KÍ-kvinnum hjartaliga tillukku meistaraheitinum!