Mjølnir kvinnurnar byrjaðu við sigri
Ein spennandi dystur móti Dráttur, sum endaði 3-2 til Mjølnir, ber boð um eitt kappingarár, ið fer at hilnast betur enn seinasta ár
Fyrstu tvey settini vunnu Mjølnir kvinnurnar sannførandi og sleptu síðani trýstinum. Dráttur kom inn í dystin og vann næstu bæði settini, so út máttist í ein javnbrótara.
Her vóru Mjølnir kvinnurnar dugnaligari, hóast tær vóru aftanfyri við fleiri stigum. Tær megnaðu at vinna 3-2.
Um Mjølnir liðið er at siga at tær eru rættuliga høgar fleiri, og at har er ein góð blanding av yngri og eldri leikarum. Uttanfyri vøllin er eisini stór styrki, tí sørvingurin Ragnar í Haraldstovu er venjari í ár. Hann hevur drúgvar royndir við at venja kvinnur og tað er longu farið at síggjast. Liðið hevur stórt potentiale og fer ivalest at mennast meira og meira.