Jólatræið í Árnafirði tendrað
Í gjárkvkvøldið varð jólatræið í Árnafirði tendrað.
Veðrið var ikki av tí besta, og tí varð valt at fara inni í gamla bygdahandilin hjá Fanny, har hópurin av fólki møtti at halda jólatræshaldið.
Klaksvíkar Hornorkstur spældi áðrenn Gudny Mortensen, sum er úr húsunum beint niðanfyri, har jólatræið stendur, helt røðu.
Gudny hugleiddi væl um m.a. sínar ungu dagar við jólahaldi í Árnafirði, um ag ganga um Skarið fyri at koma til Klaksvíkar at keypa góðgæti undan jólum. Eisini um miss, tey høvdu verið fyri beint undan jólum fyri nógvum árum síðani, sum ávirkaði tey undan jólum.
Klaksvíkar Hornorkestur spældi til endans Gleðilig jól, har fjøldin, sum var samankomin í hugnaliga handlinum, sjálvandi sang við.
Ein vakur og hunaligur siður, har eisini kirkjan er tendrað, og har eisini gamli handin kemur til heiður og æru, beint omanfyri jólatræið.
Boðið varð til ein kaffimunn og rílalamande í gamla bygdahandlinum eftir haldið, og prátið gekk lystiliga.
Ein sera hugnalig løta!