Bilhúsið hjá Kjølbro niðurtikið
Húsið, sum Klaksvíkar Kappróðrarfelag hevur húsast í hesi seinastu árini er nú niðurtikið. Sambært Finn Kjølbro, so varð bilhúsið bygt í 1949 til fýra lastbilar hjá Kjølbro fyritøkuna. Ein hædd bleiv eisini bygd omaná, og hon var tikin til útgerð hjá skipunum hjá Kjølbro.
Men, sigu Finn, har vóru fýra bilhurðar á eystursíðuni, tað var so skjótt at hølið innanfyri sunnastu hurðina bleiv brúkt til sementgoymslu, tann næsta til bilgoymslu til tann besta lastbilin hjá Kjølbro og so tær tvær norðastu, rúmið aftanfyri tær bleiv brúkt til bilverkstað. Fyrsti leiðarin á tí arbeiðisplássinum var John Hansen, John í Sundi, kallaður og eftir hann kom Hans Pauli Sjóstein.
Ímillum Kappróðrarneystið og Betesda var so Kolgarðurin.
Men, sum maðurin segði, “nú er alt bara søga” og Kappróðrarfelagið hevur fingið nýtt snotuligt kappróðrarneyst eitt hanagleiv hagani.