Veðrið hjá okkum hevur higartil í dag verið soleiðis, at vindferðin hevur verið 8 til 13 m/s, ættin landnyrðingur, loftið hevur verið skiftandi ímillum skýggjað og smáskýggjað við sólglottum, og so hava ælingar eisini verið.

Hitalagið liggur um 4-5 stig, og tí hava ælingarnir fyri tað mesta verið við regni, tó at okkurt kavaælið hevur verið. Men tað sindrið av kava, sum er komið niður, er skjótt vekk.

Restina av degnum í dag fer vindferðin at vera um 8 til 13 m/s av landnyrðingi, líkasum tað hevur verið í morgun og út á seinnapartin.

Vit fara at hava skiftandi skýloft – t.e. skýggjað og smáskýggjað við sólglottum – og so fara æl eisini at koma og fara. Soleiðis sum hitalagið hevur verið í dag, so fara ælingarnir fyri tað mesta at vera við regn ella vátakava. Hitin liggur um 2 til 5 stig.

Morgindagurin verður júst tann sami til veður, sum dagurin í dag, tó at hitalagið fer 1 stig upp.

Seint í annaðkvøld ella sunnunátt fer ættin at hækka upp í norðan, og hann makar vindin eitt sindur, niður í 5 til 10 m/s. Framvegis skiftandi skýloft sum í dag og í morgin og ælaveður við regni ella kava. Seinnapartin sunnudagin gongur hann niðuraftur í landnyrðing, vindur veksur aftur upp í 8 til 13 m/s, og ælaveðrið heldur fram.

Hitin sunnudagin fer at liggja úr frostmarkinum og upp í eini 4-5 stig.

Gott vikuskifti.