Eftir ætlan skuldi Mjølnir menninir luttaka í The Nordic Club Championship í Finlandi, sum meistarar í Føroyum. Hendan kappingin varð av ongum og tí broyttust ætlaninar til eina venjingarlegu. 

Christian Imhoff, høvuðsvenjari hjá Mjølnir hevur leikt á høgum stigi og hevur tann vegin sera góðar kontaktir í flogbóltsumhvørvinum kring knøttin - og eisini í Finlandi. So tað var skjótt, at tríggir venjingardystir vóru settir á skrá. 

Leikt varð ímóti trimum liðum í Tampere. Mjølnir fekk væl úr dystunum og eisini teimum fysisku venjingunum, sum vóru lagdar í tøttu skránna. Teir ungu fingu nógva spælitíð og eisini nýggi leikarin Cristian Barrios, sum stóð seg væl, varð væl innførdur í leikskipanina hjá Mjølnir. Steffan Rosenlund er skaddur í knænum og fær ikki leikt næstu tíðina. 

Sera kalt er í Tampere hesa ársins tíð, um minus 10 stig hvønn dag. 

Mjølnir menninir spæla sín fyrsta dyst í ársins steypakapping í annaðkvøld móti ÍF í Fuglafirði. 

Tampere og Klaksvík vinarbýir

Tað sum Tampere kanska er mest kent fyri er Mumi. Harumframt er Tampere eisini vinarbýur hjá Klaksvík og tískil vóru Karl Johansen, borgarstjóri og Jóhanna Christiansen, mentanarnevndarforkvinna eisini við á túrinum. Tey hugdu við áhuga at venjingardystunum og eisini vitjaðu tey umboð fyri Tampere á túrinum. Harumframt vitjaðu tey ymisk listasøvn og eisini Mumi-savnið á túrinum.