Lýsing
Lýsing
Lýsing
Mynd: Brann.no

Nýggi KÍ-málverjin hevur havt nógvar skaðar

SKRIVAÐ: Jákup Ósá  |  25.01.2023 - 23:26 Ítrottur Tíðindi

Talan er um ungan málverja, ið taldist millum størstu talentini í Norra fyri nøkrum árum síðani, men sum hevur spælt lítið á høgum stigi síðstu tvey árini m.a. vegna nógvar skaðar.

23 ára gamli Markus Olsen Pettersen verður málverji í KÍ-hópinum í ár. Tað skriva miðlar í Bergen. Markus hevur síðstu árini havt sáttmála við Brann í Bergen.

Talan er um 1,90 metur høgan málverja, sum taldist millum stóru talentini í Norra, tí hann hevur umboðað nærum øll U-landsliðini hjá Norra. Longu sum 16 ára gamal bleiv hann partur av besta hópinum hjá Brann.

Sambært Transfermarkt, so er málverjin ikki skrásettur fyri nógvar dystir á høgum stigi. Hann hevur spælt 12 dystir í bestu norsku deildini. Tann fyrsta í 2017, síðani átta í 2018 og so tríggjar í 2020. Hann hevur spælt nakrar dystir fyri eykaliðið hjá Brann hesi árini.

Sambært Bergensavisen, so hevur hann eisini havt sera nógvar skaðar seinnu árini. Miðilin hevur lýst málverjan sum kanska óhepnasta málverjan í Norður-Evropa.

– Nú eri eg troyttur av øllum skaðunum. Tað hevur verið so nógv og tað hevur ikki verið smáting heldur. Grad trý skaða í lærkrikanum, sum mátti skurðviðgerast, skurðviðger í knænum, skuðviðger í lítlafingri, tveir heilaskjálvtar, segði málverjin við Bergenavisen í august. Harafturat skrivar miðilin um trupulleikar við rygginum í 2022.

Venjarin hjá Brann segði soleiðis síðst í august.

- Eg fái ilt av leikaranum. Eg veit, at hann kann verða ein fantastiskur málverji, men hann fær ikki víst tað, tí tað hevur verið endaleys søga av skaðum, segði Eirik Horneland við Bergensavisen.

Tað er sostatt okkurt sum bendur á, at tað er ein váði, sum KÍ tekur á málmansøkinum í ár við tveimum málverjum, ið hava havt nógvar skaðar seinnu árini.

Lýsing
Seinastu tíðindini
Á floti sunnanfyri í gjár
Meira hjálp frá lærlingum
Eldrahugni í Betesda
Atlantic Fair nærkast
Nær verða skaddu KÍ-leikarar­nir aftur?
Útistovuhagin: Lembingin byrjað
Ein øgiligur munur á viðferð
Gadus fór nýggjan túr í kvøld
Toppdystur í Klaksvík í kvøld
Varpið avhendað
Dragin til umvælingar í Danmark
Skrúvuguds­tænasta í Christians­kirkjuni
Gøtudals­tunnil, nú!
Áhugafelagið Spinnarríið hevur aðalfund
Fleiri ymisk skeið innan vitlíki
Góða gongdin hjá J&K Petersen heldur fra…
- Vit mugu virða ta gomlu søguna og tað…
Foto framsýning í Smiðjuni í Lítluvík 18…
Dáin 35 ár
Morgunsangur í Christians­kirkjuni