Veðrið í vikuni
Í vikuni, sum kemur, fer veðrið at vera heilt hampuligt. Ikki nógvur vindur og løtur við turrveðri og klárum lofti og sól. Tað vera tó eisini løtur, tá ið tað er skýggjað og regn ella ælaveður, teimum sleppa vit ikki undan.
Veðrið í vikuni, hetta til og við fríggjadagin:
Týsdagin:
Eitt lítið lot, mini enn 5 m/s, vestan, klárt fyri tað mesta og okkurt ælið. Um kvøldið lítið lot av ymsum ættum, klárt og turt. Hitin í dag fer at liggja millum 4 og 7 stig.
Mikudagin:
Eitt lítið lot at ymsum ættum, minni enn 5 m/s, klárt ella smáskýggjað og turt. Seinnapartin frískt lot til frískan vind, 5 til 10 m/s, eystan, ádrigið og sum frálíður regn. Hitin í morgin millum 5 og 8 stig.
Hósdagin:
Lot til frískt lot, 3 til 8 m/s, eystan, smáskýggjað og ælaveður. Seinnapartin hækkar hann upp í landnyrðing og minkar vindin niður í eitt lítið lot, minni enn 5 m/s, smáskýggjað ella klárt og turt fyri tað mesta. Hitin hósdagin millum 5 og 8 stig.
Fríggjadagin:
Eitt lítið lot, undir 5 m/s, av landnyrðing og eystri, smáskýggjað og ælaveður. Hitin fríggjadagin millum 4 og 7 stig.