Lýsing
Lýsing
Lýsing

Føroyar og Bretland skulu knýta sterkari bond

SKRIVAÐ: Vin  |  29.11.2023 - 17:10 Politikkur Tíðindaskriv

Tað vóru Høgni Hoydal, landsstýrismaður í uttanríkis- og vinnumálum, og Leo Docherty, bretskur evropamálaráðharri, samdir um á fundi í London fyrrapartin.

 

Ráðharrarnir umrøddu ítøkiligar avbjóðingar í fríhandilssáttmálanum millum londini. Harumframt umrøddu teir yvirskipað, hvussu samstarvið kann mennast á øðrum økjum, eitt nú innan grøna orkuskiftið, talgilding, ferðasambond, útbúgving og gransking, og tá ið ræður um trygd og verju.

“Í einum heimi í broyting hevur tað stóran týdning at styrkja samstarvið við sameind grannalond. Tí hevur Bretland høga raðfesting í landsstýrinum, og eg eri fegin um jaliga bretska áhugan fyri at menna samstarvið við Føroyar. Vit mugu áhaldandi menna makaleysu søguligu og vinnuligu sambondini millum Føroyar og Bretland,” sigur Høgni Hoydal landsstýrismaður.

Í gjár hitti Høgni Hoydal Timothy Minto, ráðharra í verjumálum. Landsstýrið raðfestir, at Føroyar taka virknan lut í samstarvi og avgerðum, ið hava trygdar- og verjupolitiskan týdning.

Ráðharrarnir vóru á einum máli um, at tað er natúrligt at menna samstarvið á verjuøkinum millum Føroyar og Bretland sum sameindar grannar, og at grundarlag fyri einum munagóðum samstarvið millum Føroyar og Bretland.

Til dømis hava flogfør og skip hjá bretsku verjuni seinnu árini alsamt oftari vitjað í Føroyum, umframt at samstarvsmøguleikar eru um lofteftirlit og um nettrygd.

Talan var um fyrsta ráðharrafund um verjumál millum Føroyar og Bretland.

 

Lýsing
Seinastu tíðindini
Listaframsýning við Heðin Kambsdal
Mjølnir enda á heimavølli í dag
Metingar um 6. umfar
- Vit eru svangir at svara aftur
Kanjon: Stoyptu 710 rúmmetrar uppá 14 tí…
Beinleiðs stroyming: Stór svimjistevna í…
Upptakt: KÍ-B68
Tessa á OY Voxbotn 2024
Elsebeth Mercedis: Vit eiga framhald­andi…
Heðin Mortensen stillar upp aftur
50 ár síðan Reyðu Khmerdrápini
Verja og visiónir
Eina stóð ph.d.-verjuna væl og virðiliga
Grant er í Klaksvík hvønn dag
Landið má leggja trýst á kommunur
Sáttmáli undirskrivaður um lækna­miðstøði…
Aðalfundur verið í Íverksetara­húsinum
Methøg søla av elorku og methøg framleið…
Virkið vár byrjar og endar við renning
33 nýggjar íbúðir á Argjum