Týsdagin, mikudagin og fríggjadagin fer luftrákið ímóti Føroyum at vera av leiðum langt sunnan fyri Føroyar. Tá fer loftið at vera nokkso grátt og tungt. Mánadagin og fríggjadagin av ymsum ættum.  

Hitalagið fer hesa vikuna fer ikki at liggja so langt uppi, sum tað gjørdi viðhvørt í júst farnu viku. Niður í eini 4-5 stig, tá ið tað er kaldast, og upp í 11-12 stig, tá ið tað er heitast.  

Veðrið í vikuni – dag fyri dag:

Mánadagin:

3 til 8 m/s av útnyrðingi, samdrigið og regn ella ælaveður. Um middagin slítur í, og seinnapartin minkar vindurin niður í eitt lítið lot, minni enn 5 m/s, og hann gongur niður í vestan. Loftið hálvskýggjað. Týsnáttina eitt lítið lot av útsynningi, minni enn 5 m/s, skiftandi skýloft og yvirhøvur turt. Hitin 4 til 10 stig.  

Týsdagin:

Lítið lot av útsynningi, minni enn 5 m/s, smáskýggjað og yvirhøvur turt. Seinnapartin veksur vindurin spakuliga, meðan ættin spakuliga fer niður ímóti suðuri. Um kvøldið og mikunáttina eru 5 til 10 m/s sunnan, smáskýggjað og okkurt ælið. Hitin 6 til 11 stig.

Mikudagin:

5 til 10 m/s av suðuri, og sum tað líður á fyrrapartin samdrigið og regn. Um kvøldið støkkur hann upp í vestan, vindurin minkar niður í eitt lítið lot, minni enn 5 m/s, og tað slítur í. Hósnáttina gongur hann upp í norðan og veksur vindin upp í 3 til 8 m/s, samdrigið og yvirhøvur turt. Hitin 7 til 12 stig.

Hósdagin:

3 til 8 m/s av landnyrðingi, skiftandi skýloft og yvirhøvur turt. Seinnapartin gongur hann niður í eystan og um náttina niður í landsynning. Hitin 5 til 9 stig.

Fríggjadagin:

3 til 8 m/s av landsynningi, samdrigið og sum frá líður regn. Seinnapartin lækkar hann niður í sunnan, vindurin minkar niður í eitt lítið lot, minni enn 5 m/s, samdrigið og yvirhøvur turt. Hitin 5 til 11 stig.