Reyð kort spældu ein leiklut allar uppgerðirnar.

Taka vit Malmø burturúr samanberingini, tí tað var eitt lið, sum var nógv betri uppá nógvar mátar enn hini mótstøðuliðini, so spældi KÍ seks altjóða dystir í summar.

Í hesum seks dystunum vann KÍ tveir, spældu tveir javnar og taptu tveir. Málmunurin var 8-8.

Síðsta KÍ málið í teimum seks dystunum móti Differdange 03, Borac Banja Luka og HJK Helsinki bleiv skorað í 63. minutti av teimum tilsamans átta málunum. KÍ vann sostatt fyrstu 63 minuttirnar í teimum seks dystunum 8-3.

Hinvegin fóru fimm av málunum ígjøgnum móti Differdange 03, Borac Banja Luka og HJK Helsinki ígjøgnum frá 82. minutti ella seinni av teimum tilsamans átta málunum. KÍ tapti sostatt síðstu løtuna av teimum seks dystunum 5-0. Har skal sigast, at í eina dystinum bleiv longd leiktíð.

Reyð kort ávirkaðu allar uppgerðirnar. Móti Differdange 03 fekk eins leikari hjá teimnum reytt kort í fyrra hálvleiki í seinna dystinum. Móti Borac Banja Luka fekk ein leikari hjá teimum reytt kort í fyrra hálvleiki í fyrra dystinum. Og móti HJK Helsinki fekk KÍ ein leikara útvístan í fyrra hálvleiki í fyrra dystinum og ein leikara útvístan í seinna hálvleiki í seinna dystinum. KÍ spældi sostatt nærum helvtina av tíðini tilsamans í undirtali móti HJK Helsinki, og tað hevði helst sína ávirkan á, at HJK Helsinki skoraði mál í yvirtíðini báðar dystirnar, tá orkan hjá undirmannaðu KÍ-leikarunum gekk undan. Hinvegin dugdi KÍ als ikki at gagnnýta hálvleikin, har KÍ spældi í yvirtali móti Borac Banja Luka á heimavølli.