Nýggir flisar, nýmálað, nýggir møblar og heingiloft við ljósi eru millum tær renoveringar, sum tey hava gjørt hjá Reyni Service í Klaksvík og í Hoyvík.

Bygningurin í Klaksvík, sum vit kenna hann í dag, bleiv reistur í 2005. Sostatt hevur hann 19 ár á baki, og tað var tí ikki so galið, at hann fekk eina yvirháling, siga tey hjá Reyni Service.

Fyri umleið einum ári síðan kom eitt toymi frá Toyota Danmark til Føroya. Við í toyminum vóru fólk, sum høvdu við hølisviðurskifti og sniðgeving at gera – og tey vóru ikki ørindaleys, men høvdu nógvar broytingar við í skjáttuni. Vit eru sera stolt av at bjóða okkara viðskiftafólki vælkomnum í snotiliga hølið í Klingrugarði 5.

Leygardagin 28. september hevur bilasølan opið frá klokkan 10:00 til 16:00. Tá hava viðskiftafólk møguleika at síggja tað flotta úrslitið. Eisini bjóðar Reyni Service okkurt søtt og kaffi til kundarnar.