Klaksvík Snarathlon
Í samband við at Virkið Heyst er í Klaksvík, verður skipað fyri einari avbjóðing í triathlon leygarmorgunin 28. septembur
Avbjóðingin er ætlað øllum áhugaðum, royndum sum óroyndum. Aldursmark er 11 ár.
Av tí at teinurin ikki er langur, er hetta eitt gott høvi hjá nýggjum íðkarum at royna triathlon.
Lýsing av avbjóðingini
Luttikið verður í opnum bólki hjá monnum og kvinnum. Øll royna sama tein ið er 200 m svimjing, 5 km súkkling og 2 km renning.
Skrá
- Kl. 09.30 innskriving
- Kl. 10.00 kunningarfundur
- Kl. 10.20 upphiting
- Kl. 11.00 startur
Tilmelding
Tilmelding til avbjóðingina fer fram á atgongumerki.fo, og tað er ókeypis at luttaka.
Freistin at melda til er fríggjadagin 27. sep kl 12:00.
Innskriving og kunningarfundur
Innskriving og kunningarfundur verður í Klaksvíkar Svimjuhøll.
Svimjing
Svimjingin verður í Klaksvíkar Svimjuhøll, og verður svomi 200 m, tvs 8 longdir.
Súkkling
Samlaða súkklirutan er ca 5 km. Súkkla verður frá Guttabreyt og síðan 3 ferðir runt Eið.
Renning
Samlaða rennirutan er 2 km, tvs 5 ferðir runt á rennibreytini.
Skiftiøki
Øll skiftir fara fram uttanfyri svimjuhøllina. Hvør luttakari skal hava ein kassa, balju ella líknandi, har klæðir og útgerð hjá viðkomandi skulu verða í.
Trygd
Hjálparfólk verða á svimjirutuni og á vegnum tá súkkla verður.