Terja Ósá Sivertsen stillar upp
Eg gangi høgt uppí at Klaksvíkin skal rúma øllum borgarum
Eg havi valt at stilla upp til býraðsvalið.
Eg eri 32 ára gomul. Og til dagliga starvist eg sum bókhaldari.
Politikkur hevur havt mín áhugað, síðani eg var heilt ung. Eg havi verið virkin í lokalpolitikki, har eg havi sitið nógv ár í nevndini hjá Norðoya Javnaðarfelag.
Seinastu 8 árini havi eg siti sum varafólk í býraðnum, fyri javnaðarflokkin. Har eg eri sloppin inn at royna meg í býraðnum, og av tí sama fylgt væl við í býraðspolitkki.
Eg eri klár, at taka dystin upp aftur.
Eg gangi høgt uppí at Klaksvíkin skal rúma øllum borgarum.
Míni hjartamál snúgva seg um:
· Betri, bíligari og fjølbroyttar bústaðarmøguleikar
· Hægri barnafrádrátt
· Betra um eldraøkið, har brúkarin verður settur í fremstu røð og starvsfólki hava tíð til nærveru
· Betra um umstøðurnar hjá ítróttar- og áhugafeløgum, bæði stór og smá
· Frítíðarkort til børn og ung undir 18 ár
· Betra um sømdir hjá námsfrøðingum og barnagarðum
· Eitt reint og grønt umhvørvið.
· Eitt gott frítíðar- og mentanarlív
· Ein rødd til tey ungu.
Terja Ósá Sivertsen
Valevni fyri javnaðarflokkin.