Við 8 góðum valevnum og nýggjari valskrá, bjóða vit okkum fram at stýra Klaksvíkar kommunu komandi fýra árini.

Vinnulívið í Klaksvíkar kommunu skal koma okkara kommunu til góðar!

Ov stórur partur av fíggjarliga vinninginum frá okkara íløgum í vinnulívið endar hjá Tórshavnar Havn, sum hevur avskipingarmonopol. Norðoyggjar sita eftir við dálkingini frá fiski- og alivinnuni og Klaksvík er vorðin ein transitbýur fyri kajpengar hjá Tórshavnar kommunu. Sjálvstýri vil tryggja, at fíggjarliga virði í Norðoyggjum ikki endar í kassanum hjá Tórshavnar havn og privatum fyritøkum í høvuðsstaðnum.

Valevnini eru:

1. Lonnie Bengtsen, 43 ár, køksleiðari
2. Sven Dahl, 56 ár, húsavørður
3. Magni Garðalíð, 59 ár, maskinførari
4. Jóhanna Syderbø Grúkaskarð, 41 ár, sjálvinnurekandi heilsurøktari
5. Sámal Petur í Grund, 66 ár, skipari
6. Sylvia Thomsen, 45 ár, sjúkrarøktarfrøðingur
7. Álvur Marnason Zachariasen, 26 ár, maskinmeistari
8. Hjalmar Zachariasen, 39 ár, KT verkfrøðingur

Umframt fara vit at arbeiða fyri:

Grundøki til øll
Vit fara at raðfesta høgt, at møguleikar skulu vera til at byggja sær hús, bæði í Klaksvík og øllum bygdunum í komununi.

Ferðsla og parkering
• Ferðslutrygdin skal raðfestast hægri.
• Eingin parkering á høvuðsvegunum.
• Parkeringsforboð á høvuðsvegunum.
• Skipað parkering á privatum økjum við parkeringslummum.
• Betra um kavaruddingina.
• Loysa ferðsluóskilið og tryggja samanhangandi ferðslu.

Fíggjarligt haldføri
• Tryggja fíggjarligt haldføri.
• Betri umsiting av fíggjarstøðuni.
• Íløgur skulu gerast við ábyrgd.
• Raðfesta verandi verkætlanir og avmarka nýggjar.

Fimleikur
• Fimleikurin eigur tørv og verður raðfestur komandi fýra árini.

Grønur býur
• Klaksvík skal gerast heimsins grønasti og wellasti býur.
• Raðfesting av býarumhvørvinum við fleiri grønum økjum, trøum og skýlum.
• Skapa betri gongurásir til børn, barnavognar, súkklur og fólk til gongu.
• Lata Ósánna upp aftur til børnini at spæla í.
• Skapa býarrúm, har fólk trívast og kunnu vera virkin.

Frítíðarkort
• Frítíðarkort til børn og ung.
• Kortið skal fevna um fleiri frítíðarítriv, td. tónleik, list og svimjing. .
Tey eldru
• Tryggja tað góða eldralívið.
• Fleiri røktarheim og íbúðir til tey, sum hava tørv á tí.
• Góð tilboð til bæði tey, sum hava stóran tørv á hjálp, umframt tey, sum bert hava tørv á einari hjálpandi hond.

Útlendingar og tilflytarir skulu fáa betri tilboð um at:
• læra føroyskt.
• læra um føroyska mentan.
• Hjálp til at trívast og gerast virkin partur av samfelagnum