Á møtum kring landið er sera vanligt at syngja eina blanding av upprunaføroyskum og týddum sangum og kanska eisini enskum ella donskum sangum onkrastaðni.

Men fleiri samkomur eru signaðar við nógvum tónasmiðum, og tí finst nógv upprunafrøoyskt tilfar í samkomunum.

So tá ið Soli Deo Gloria sunnudagin 2. mars hava møti, so verður tað bert sungið upprunaføroyskt tilfar. Men tey hava valt at tikið tað eitt stig longur, og tað vera bert sangir, sum fólk við tilknýti til samkomuna, hava skrivað.

“Í Soli Deo Gloria eru vit signað við so nógvum sangskrivarum, at vit hava ongan kjans at syngja allar sangirnir, sum fólk her hava skrivað. Men eg haldi tað er gott, at vit varpa ljós á upprunatilfarið, sum er skrivað í samkomunum, tí tað er á einum høgum støði og tað ber ein boðskap til okkum føroyingar. Skrivað av føroyingum, til okkum føroyingar at syngja á føroyskum.” sigur Hallgerð Akurstein.

“Vit hoyra ofta at Klaksvík hevur eitt serligt pláss í tónleikasøguni her á landi. Og tað halda vit, at Klaksvík eisini hevur, tá ið tað kemur til kristiligar sangir.” sigur Hallgerð Akurstein.