KÍ hevur undan dystinum fult stigatal, níggju stig fleiri enn HB á 3. plássi, so nógv er at spæla um. Hjá HB vóru Ári M. Jónsson og Mathias Voss ikki við seinast. Hjá KÍ hevur sjúka ávirka uppundir dystin, men teir flestu leikararnir væntast tøkir burtursæð frá Claes Kronberg, sum framvegis er skaddur. Størri ivamál er um Páll A. Klettskarð, sum fekk ein skaða móti NSÍ, tá hann tó fekk spælt víðari. Ivasamt er, um hann fær spælt frá byrjan.

Dysturin í Gundadali byrjar kl. 17.15. Dómari verður Kári á Høvdanum.