Tað var beint eftir hálvleik, at Hallur Hansson mátti fáa hjálp, tí hann eftir nærdyst lendi keðiliga. Hann spældi víðari, men mátti biðja um útskifting eina løtu seinni. Hann helt fyri bringuna.

Vit spurdu Hall eftir dystin, hvussu støðan var. Hann segði, at tað var óvist, men okkurt kundi bent á eitt bráka rivjabein. Hann væntaði sjálvur, at hann bleiv klárur til dystin í Finnlandi hósdagin.

Er talan um brákað rivjabein, so er kanska meira ivasamt, um hann verður førur fyri at spæla. Ofta verður sagt, at pínan veksur fyrstu dagarnar og at tað tekur meir enn eina viku til pínan er burtur. Komandi dagarnir fara at vísa, hvønn veg tað ber hjá Halli.

KÍ hevur fleiri møguleikar til sentrala miðvøllin. Í gjár sótu Deni Pavlovic, Dávid B. Andreasen og Claes Kronberg á bonkinum, meðan René S. Joensen spældi vongur fram til hallur bleiv skaddur.