U19 landsliðini í sandflogbólti dystast í Dublin um vikuskifti
Tað eru Hákun Nón og Rani Ákason úr ÍF, sum manna mannsliðið og Maria Teresa Vitalis og Osla Johannesen úr Mjølni, sum manna kvinnuliðið
Talan er um undankapping til U20 EM kapping í 2026.
Undankappingarnar eru skipaðar sum økisundankapping. Føroysku liðini luttaka í SCA økinum, sum er ein bólkur av smærri londum í CEV. Vinnandi liðið fær rættin til at luttaka í EM endakappingini, sum verður í 2026.
Hákun og Rani eru komnir í innleiðandi bólk við Skotlandi og Andorra, sum tykist sum ein sterkur bólkur. Hákun og Rani leggja fyri kl. 12.30 ímóti Skotlandi og leika kl. 18.00 ímóti Andorra.
Maria Teresa og Osla eru komnar í innleiðandi bólk við Írlandi og Norðurírlandi. Maria Teresa og Osla leika teirra fyrsta dyst ímóti Írlandi kl. 16.20 og kl.18.00 hitta tær Norðurírland.
Leygardagin eru fjórðingsfinalur og møguligur playoff dystur fyri at koma í fjórðingsfinalurnar. Sama dag eru eisini hálvfinalur og finalur.
Dystirnir kunnu síggjast á youtube rásini hjá Volleyball Ireland: https://www.youtube.com/@VolleyballIrelandVLY/streams