HB eigur metið við 24 FM, men KÍ nærkast og kann tryggja sær fjórða meistaraheitið síðani HB vann sítt síðsta í 2020.

Skal KÍ tryggja sær FM í Sørvági, so krevst at KÍ vinnur á 07 Vestur, um NSÍ fær fulla úrtøku móti B36. Tann dysturin byrjar hálvan tíma áðrenn.

Tað er ikki vist, at KÍ fær nakran lættan dyst, tí KÍ hevur ikki spælt við somu styrki eftir summarsteðgin og móti B68 seinast var nær við, at KÍ tapti. Verður avrikið hjá KÍ ikki betri enn á Svangaskarði, so er ikki vist, at KÍ vinnur FM hetta umfarið, tí 07 Vestur spælir fyri lívinum og liggur undir niðurflytingartstrikuni undan 25. umfari.

Tí er lagt upp til ein spennandi dyst og uttan iva eina stóra innrás av spentum norðoyingum, sum uttan iva ynskja at fáa meistaraheitið í hús áðrenn 26. umfar, tá trýst kann koma á, tí í síðsta umfari møtast NSÍ-KÍ í Runavík.

07 Vestur-KÍ byrja at spæla kl. 19.00.