Í lotinum er eitt sindur av ælaveðri, og við nýkomna kuldanum kunnu vit rokna við løtum við onkrum kavaæli. Eitt sindur av vindi í nátt og morgin, men sunnudagin bert eitt lítið lot.

Veðrið um vikuskiftið:

Í dag hevur hann ligið millum landnyrðing og norðan, 10 til 15 m/s. Loftið hevur verið skýggjað fyri tað mesta, tó hava løtur verið við skiftandi skýlofti og onkrum æli. Nú seinnapartin minkar hann vindin, og ættin fer upp í norðan. Í kvøld kemur hann høgt, 8 til 13 m/s, skýggjað og ælaveður, kanska við kava ella vátakava.

Hitin í dag 4 til 8 stig. Í kvøld verður kaldari, í støðum fer hann niður móti frostmarkinum.

Í morgin er frískur vindur upp í strúk norðan, 8 til 13 m/s. Um náttina minkar hann niður í lot til frískt lot, 3 til 8 m/s. Fyrrapartin er skiftandi skýloft við ælaveðri við regni og vátakava ella kava. Út á dagin smáskýggjað og yvirhøvur turt.

Hitin 2 til 7 stig, men um náttina fer hann niður móti frostmarkinum í støðum.

Sunnudagin er lot til frískt lot av landnyrðingi, 3 til 8 m/s, samdrigið og okkurt ælið, kanska við vátakava ella kava. Út á dagin veksur hann vindin upp í frískt lot til frískan vind, meðan hann gongur upp í norðan, 5 til 10 m/s, og loftið er skýggjað við onkrum æli, kanska við vátakava ella kava.

Hitin 4 til 7 stig, men um náttina niður móti frostmarkinum.  

Gott vikuskifti.