Í drúgvari grein á DR verður aktuella støðan lýst, har russiskir myndugleikar hava ávara um, at tað fær avleiðingar fyri Føroyar, um Løgtingið velur at stongja føroyskar havnir fyri útvaldum russiskum reiðaríum. 

Greinin kann lesast her: 

"Rusland gentager advarsel til færøske politikere: Ødelæg ikke vores fiskerisamarbejde"

Í greinini er millum annað samrøða við Heina í Skorini, lektara á Fróðskaparsetur Føroya, sum staðfestir at verandi pelagiski útflutningur til russiska marknaðin er meira enn 1 milliard krónur árliga. Heini vísir tó á, at inntøkutapið fyri føroysku pelagisku fiskivinnuna helst ikki verður ein heil milliard krónur, tá fiskavørurnar kunnu seljast til aðrar marknaðir, men at keypikraftin als ikki líka høg og tí til munandi lægri prísir. 

Hóast Løgtingið ásetti 29. oktober 2025 sum evstamark fyri nevndarviðgerðina í Uttanlandsnevndini, so hevur nevndin framvegis ikki skrivað álit. Bjarni Hammer, løgtingsmaður fyri Javnaðarflokkin, er formaður í nevndini. Enn er ikki greitt, nær málið kemur aftur úr nevnvd.