KÍ er undan dystinum tvey stig aftanfyri B36, so talan er um ein týdningarmiklan dyst, har KÍ við sigri bara verður eitt stig frá toppinum, meðan eitt tap sendur KÍ fimm og fýra stig afturum tey bæði fremstu plássini.

Hjá B36 hevur Bergur Poulsen verið skaddur í eina tíð, meðan Jógvan K. Gullfoss fór skaddur av vøllinum seinast. Hjá KÍ eru René S. Joensen, Patrik Johannesen og Sebastian John langtíðarskaddir, meðan Gaston Tellechea, Hallur Hansson og Jákup Biskopstø ikki vóru tøkir seinast. Møguliga verður onkur av teimum tøkur hesaferð.

Dysturin í Gundadali byrjar kl. 17.00. Dómari verður Jákup Ø. Mohr.