Vinnulívsráðið harmast avgerðinga hjá Skipafelagnum um at gevast við at sigla uppá Klaksvík, men vit mugu til eina og hvørja tíð góðataka, at vinnulívið frítt disponerar og leitar har tað metur sínar bestu møguleikar at liggja.

Uppgávan hjá øllum viðkomandi instansum í Klaksvík er at skapa vinnulívinum so góðar karmar at virka undir sum møguligt, soleiðis at tað framhaldandi eru ‘upplagt’ hjá flutningsfeløgunum at rekva virksemi í Klaksvíkar Havn.

Í sínum sambandi við umheimin er støðan hjá Klaksvík er fullkomiliga broytt bara seinasta árið. Norðoyatunnilin og nýggja havnin í Ánunum hava brotið allar stongslar, og vit mugu verða fyrireikaði til at hetta førir stórar broytingar við sær. Í slíkum broytingartíðum er tað givið, at vit koma at síggja nógvar nýggjar møguleikar, samstundis sum vit missa aðrar.

Týdningarmesti kappingarfaktorurin undir slíkum umstøðum er tað støðið í tænastum, vit megna at veita.

Jú hægri tænastustøðið, jú fleiri viðskiftafólk og feløg - so einfalt er tað.

Tí er tað ein týdningarmikil uppgáva beinanvegin at fáa stuðla uppundir at betra tænastustøðið.