Odmar, Hallur og Heini venja við aftur
Tríggir av teimum, sum enn ongan minutt hava spælt í ár, hava í vikuni vant við í stórum pørtum av venjingunum.
Odmar Færø, Heini Vatnsdal og Hallur Hansson. Felags fyri teir allar landsliðsleikararnar er, at teir hava ongan minutt spælt í ár vegna skaðar.
Tað hevur verið torført at fingið greiðu á, nær ella um teir fara at spæla aftur. Men nú er ábendingar um, at teir nærkast at kanska kunna spæla aftur. Í hesi vikuni hava allir tríggir havt venjingar við liðnum, har teir hava fullført ella næstan fullført heilar venjingar.
Enn er tó ov tíðliga at siga nakað um, nær teir kunnu spæla dystir aftur, tí tað skulu helst nakrar vikur av venjingum til, áðrenn teir kunnu roknast sum klárir til nakran stóran leiklut. Og so vil tíðin vísa, um teir halda til regluliga venjingar yvir tíð. Enn hava teir bara fingið fyrstu venjingarnar afturum.
Av hinum leikarinum var René S. Joensen eisini við í pørtum av kvøldsins venjing. Hann hevur ikki verið uttanfyri leingi og væntast í øllum førum tøkur til Champions League um eina viku.