Tann 23. juni í fjør var reisigildi, og nú standa 12 nýggjar íbúðir lidnar við Torvgøtu 31 og Bumshamarsveg 38 – og nú er bert ein eftir, sum ikki er seld
Sigast má, at seinastu tíðina hevur íbúðabyggingin í Klaksvík tikið dik á seg við fleiri, bæði størri og smærri, íbúðabyggingum.
Ein av hesum byggingum eru tær 12 íbúðirnar úti á vestara armi í Klaksvík, sum er í tveimum íbúðabygningum við hvør sínum 6 íbúðum, annar við Torvgøtu 31 og hin við Bumshamarsveg 38.
Tað er Sp/f TG 31, sum letur íbúðirnar byggja. Íbúðirnar, sum allar uttan ein eru seldar, eru úr 64 fermetrum upp í 140 fermetrar.
Norðlýsið var á vitjan við myndatólinum, tá reisigildið var í juni í fjør, og í morgun var Oliver aftur á gátt fyri at síggja úrslitið, nú byggingin stendur liðug.
Sigast má, at henda íbúðabygging tekur seg væl út og er væl úr hondum greidd. Vit lata myndirnar tala fyri seg.
