Tað verður kanska útselt til Champions League dystin millum meistararnar úr Svøríki og Føroyum týskvøldið.
Malmø skrivaði fyrr í vikuni, at 15.900 atgongumerki vóru seld og helst er nakað selt síðani, tí tað er ikki dagført síðstu dagarnar.
Leikvøllurin hjá Malmø tekur áleið 21.000 áskoðarar til altjóða dystir, so tað er helst ein møguleiki fyri, at tað verður útselt. Av hesum hevur KÍ rætt til áleið 1050 atgongumerki. Sum skilst er stórur áhugi millum føroyingar at fara til dystin, ikki minst millum føroyingar sum eru í Danmark/Svøríki.
