Alt stendur væl til hjá hópinum, ið nú fyrireikar seg til fyrsta dystin, sum verður ímóti Metallist Charkow ídag kl. 15.00. Vit fara at fylgja við her á heimasíðuni.
Liðuppstillingina hava vit fingið frá venjaranum beint nú, og liðið sum fer á vøllin ídag sær soleiðis út: Málmaður Randi Wardum. Í verjuni frá høgru, Ann Olsen, Ragna Patawary, Paula Mikkelsen og uttast vinstrumegin er Annelisa Justesen.
Miðjan úr høgru. Bára Skaale Klakstein, Una Olsen, Elsa Maria simonsen, Miriam Bjartalíð.
Áleyparar: Malena Josephsen og Rannvá Andreasen.
Uppstillingin er sum sæst 4-4-2 system.
Liðið, sum tær skulu spæla ímóti, heldur til á sama hotellið sum kvinnurnar hjá KÍ. Sagt verður at tær síggja ógvusligar út, fáar eru undir 1,75 og síggja út sum menn, frætta vit úr Wrocklaw.
Stadion Olympic í Wroclaw verður karmurin um dystin ídag. Kvinnurnar hava roynt vøllin og lata væl at.
Størsti trupulleikin verður helst hitin, hitin er millum 30-35 gradir í skugganum og tey siga at inni á Stadion verður roknað við at hitin liggur um 40 gradir, ella líka heitt sum tá KÍ spældi í Ísrael og Harley tapti 5 kg.
