Tað sigur formaðurin í Kyndli Uni Arge.
Tað sigur formaðurin í Kyndli Uni Arge.
Fyrr í kvøld bleiv avgerðin hjá dómsnevndini almenn í málinum um ólógligan leikara hjá Kyndli í dystinum millum Kyndil og Team Klaksvík í fyrsta umfarinum í ár. Avgerðin kann kærast til Ítróttardómstólin. Uni Arge er formaður í Kyndli, og hann sigur, at Kyndil nú umhugsar møguleikarnar.
– Vit hava eina viku at umhugsa at kæra til Ítróttadómstólin, og tað er tað, sum vit gera nú. Ið hvussu er má HSF-nevndin beinanvegin upp í leikin, tí vit hava fingið staðfest, at í eftirlitsmálum fremur umsitingin mismun. Tað ber ikki til, sigur Uni Arge í stuttari viðmerking við Norðlýsið í kvøld.
