Sum so ofta áður seinnu árini, so vóru tað rennarar úr Treysti í vunnu árligu Flaggdagsrenningina í Havn. Hjá kvinnunum varð tað Rebekka Fuglø, sum vann fyri sættu ferð á rað.
Hon legði seg á odda beinanvegin, og nærmasti kappingarneyti hjá henni var blaðunga Maria Biskopstø (13 ár) úr Treysti, sum eisini longu hevur runnið fleiri Flaggdagsrenningar við børnum, men nú rann við teimum vaksnu á fysta sinni.
Rebekka, sum vann við tíðini 26.09 min., økti spakuliga munin aftur til Mariu, sum kortini rann sera væl og gjørdist nummar tvey við 26.32 min.
Á triðjaplássi kom veterankvinnan Rigmor N. Arge úr Hvirluni við 28.21 min. men á fjóðraplássið kom unga Treystadáman Oddvør Josephsen (15 ár) við tíðini 29.44 min.
Teinurin er knappar 7 kilometrar og verður runnið 2 ferðir frá Kongabrúnni og nakað út um Boðanesheimið.
88 kvinnur luttóku.
Øll úrlitini hjá kvinnunum síggjast her: Flaggdagsrenning kvinnur 2016
