KÍ hevði aðalfund í kvøld.
Á skránni var m.a. val av nevnd, og í KÍ stendur øll nevndin fyri vali hvørt ár. Ein broyting var í nevndini. Margit Joensen valdi ikki at stilla uppaftur sum ábyrgdarfólk fyri ungdómsfótbóltin í KÍ. Nýggjur í nevndina var Kaj Dam valdur sum ábyrgdarfólk fyri fótbóltsvirkseminum hjá besta mansliðnum, sum er eitt ábyrgdarfólk, sum er nýtt í nevndini. Nevndin fekk heimild at finna fólk til at vera ábyrgdarfólk fyri ungdómsfótbóltin.
Nevndin í KÍ er nú hendan:
Formaður: Tummas Lervig
Næstformaður: Rúni Heinesen
Nevndarlimur fyri fíggjarmál: Hilmar Danielsen
Nevndarlimur fyri besta mansliðið: Kaj Dam
Nevndarlimur við ábyrgd av samskifti felagsins: Rói Clementsen
Nevndarlimur við ábyrgd av sponsorum felagsins: Jákup Eydnugarð
KÍ roknskapurin hevði eitt avlop í 2019 á eina góða millión. Tað skyldaðist fyrst og fremst, at KÍ í 2019 tvær ferðir kom víðari í Europa League.
