Tað var stórur munur á liðunum í dag og Mjølnir kunnu fara í jólaferiu á oddasessinum
ÍF fekk ongantíð sítt góða spæl at koyra, meðan okkara óføru Mjølnir menn vóru flúgvandi aftur í dag. Teir hava veruliga spælt seg upp seinastu dystirnar.
Tað vóru nógv sannførandi avrik á Mjølnir liðnum í dag. Cristian Imhoff vísti veruliga høgt støði, Símun Hoydal Poulsen fekk tað mesta at rigga á libero-plássinum og soleiðis kundu vit hildið á.
Tað er tætt í oddinum, sera tætt. Við sigrinum í dag eru liðini á sama stigatali, men Mjølnir hevur vunnið eitt sett fleiri og er tískil oddalið. Nú fara liðini í jólaferiu og eftir ætlan skal Mjølnir spæla aftur 2. januar í Sørvági móti SÍ.
Mjølnir 3 – 0 ÍF. Settúrslitini vóru 25-10, 25-12 og 25-18.
