Mánadagin 20. september kl. 19:30 verður áhugavert tiltak á Báta- og Listasavninum í Leirvík.
Dorthea Joensen frá Búnaðarstovuni kemur at greiða frá, hvussu ullamóttøkan virkar, hvussu ullin verður flokkað og hvat føroysk ull verður nýtt til í dag.
Somuleiðis kemur Andrass Joensen, Tórshavn, at vísa okkum sínar hondgjørdu lutir. Hesir telja millum annað karðar, stokkar, hesputrø og ein rokk.
Í kaffisteðginum verður søtt at smakka og gátur at gita.
Øll eru hjartaliga vælkomin. Tiltakið kostar 50 kr.
