Tað hevur verið ein fragd at røkt hetta starvið hjá kommununi, og fylgt øllum teimum spennandi átøkunum, ið kommunan hevur sett á breddan, sigur Eirikur í Jákupsstovu, ið nú fer í nýtt starv sum ráðgevi hjá Tjóðveldi í tinginum og flokkinum.
Erikur í Jákupsstovu hevur røkt starvið í skjótt 4 ár
– Eg havi verið glaður fyri samstarvið, ið eg havi havt við skiftandi politikarar og starvsfólk í umsitingini. Eisini hevur tað verið læruríkt og hugaligt at samstarva við vinnu- og metanarlívið í býnum, sum hevur nakað heilt serligt.
– Onkur hevur spurt meg, um eg ætli at flyta úr Klaksvík, men tað verður av ongum. Eg eri komin fyri at vera, tí her er ómeliga gott vera.
Eirikur í Jákupsstovu fer í nýggja starvið sum ráðgevi hjá Tjóðveldi eftir summarfrítíðina.
