Teir veitarar, sum kunnu hugsast at verða ávirkaðir av nýggju tiltøkunum hjá Landsstýrinum móti Russlandi eru kallaðir inn á fund í Tinganesi seinnapartin í dag
Í svari til spurning frá Norðlýsinum á tíðindafundinum á Viðareiði tann 1. juni søgdu bæði Aksel V. Johannesen løgmaður og Høgni Hoydal, uttanríkismálaráðharri, at tiltøkini ikki fóru at kosta arbeiðspláss her á Føroya landi.
Seinnapartin í dag vil Landsstýri hava fund við umboð fyri tær fyritøkur, sum verða ávirkaðir av havnastongslinum hjá Føroyum mótvegis Russlandi.
