Í fyrsta og øðrum parti, av hesi greinarøð, vóru viðgjørdar tríggjar kropsstøður, nevniliga: liggja, sita og standa. Í hesum parti verður byrjað við tí sum Niclas Heri Jákupsson kallar kropsmál.
Tað var í 2017 at hann kom við einum fyrispurning í FB bólkinum: føroysk rættstaving. Hann vildi hava hjálp frá fólki, at finna orðafellir ið innihalda kropspartar. Eftir fáum tímum hevði hann fingið fleiri hundrað slíkar málberingar. Millum annað “at hava eygu á hvørjum fingri” og “at hava tunguna mitt í munninum”. Debesartrøð hevur tó eina meira ortodoxa og siðbundna uppfatan av hugtakinum kropsmál.
