Tey vit velja í morgin, skulu eisini gera lokalar ferðavinnuætlanir fyri kommununa. – Ferðavinnuætlanir, sum gera seg inn á rættin hjá hagapørtum at verja náttúruna.
Tí vil Føroya Óðalsfelag staðiliga heita á øll, um at atkvøða góð umboð í bý- og bygdaráð.
Við øðrum orðum, hava vit brúk fyri fólki, sum skilja og virða týdningin av jørðini.
Spyr títt valevni, áðrenn tú setir krossin, um viðkomandi ætlar at virða rættindini hjá høgunum?
Spyr, um viðkomandi fer at verja vøkstur, seyðahald og fuglalív, móti avleiðingunum av ferðavinnuni?
Besti verjugarðurin fyri náttúru og landbúnað, er lokala fólkaræðið.
Og tí er tað als ikki líkamikið, hvønn tú velir…
Føroya Óðalsfelag
