Rørleggingarskipið Deep Energy er heimahoyrandi í Bahamas
Skipið varð bygt í 2013 og er bygt serliga til at arbeiða í Norðursjónum.
Heimasíðan hjá Sjóvar Kommunu skrivar soleiðis:
Størsta skip nakrantíð í Sjóvar havn
Fríggjakvøldið kom rørleggjaraskipið Deep Energy á Hulk at liggja.
Hetta er størsta skip nakrantíð, sum hevur ligið við kaj í Sjóvar kommunu.
Skipið er 194,5 metrar langt, 31 metrar breitt og 25378 BT
Til samanberingar er Norrøna 165,7 m langt, og 30 m breitt.
Skipið skal bunkra og skifta nakað av manningini á Hulki. Skipið verður liggjandi til týsdagin.
