Um alt gongur eftir vild, so fer Klaksvíkar Sjúkrahús komandi summar (2026) eisini at skannað kvinnur við bróstkrabba. Hetta upplýsir Margit Stórá landsstýriskvinna í heilsumálum í svari uppá fyrispurning frá undirritaðu um skannaran á Klaksvíkar Sjúkrahúsi. Hetta er gleðiligt og boðar frá góðum. Eg fari at fylgja væl við, at hetta gerst veruleiki.
Í januar 2026 byrjaði Sjúkrahúsverkið uppá útgreiningar- og fyrireikingararbeiðið, sum skal til, fyri at seta MR-skanningar av bróstum í verk. Tað er MR-toymið í Sjúkrahúsverkinum, við starvsfólkum frá bæði Klaksvíkar sjúkrahúsi og Landssjúkrahúsinum, sum gera útgreiningar- og fyrireikingarbeiðið. Tá hetta er klárt, skulu skanningar av bróstum gerast í 3Tesla skannaranum á Klaksvíkar sjúkrahúsi. Væntandi verður klárt at skanna aftaná summarferiuna í ár.
Hetta hevur landsstýriskvinnan í Heilsumálum svara mær í einum 52a fyrispurningini í samband við skannarin á Klaksvíkar Sjúkrahúsi. Fyrispurningurin snúði seg m.a. um, um 3T skannarin á KS blívur brúktur til skanning av bróstkrabba.
Landstýriskvinnan sigur eisini í svari sínum, at í løtuni verður MR-skannarin á landssjúkrahúsinum dagførdur. Um trupulleikar eru við at klára at gera skanningar meðan dagføringin fer fram, so vóni eg at sjúklingar hesa tíðina kunnu blíva sendir norð í 3T skannaran á Klaksvíkar sjúkrahúsi, so teir ikki koma at bíða óneyðugt eftir skanning.
Alt svarið til fyrispurning sæst her við at trýsta á linkið:
https://www.logting.fo/mal/mal/?id=11444
