Hvussu væl kennir tú títt móðurmál? Fríggjadagin 25. mars er móðurmálsdagur, og í tí sambandi skipar Málráðið saman við Føroyar lesa fyri spurnarkapping á Kahoot! um føroyskt orðfeingi, rættstaving og bókmentasøgu.
Kappingin verður skipað í tveimum. Tann fyrra verður tøk kl. 11 fyri skúlanæmingar í hádeild. Seinna kappingin verður tøk fyri almenninginum klokkan 12.
Soleiðis gert tú:
– tak appina Kahoot! niður á telefonina, um tit ikki nýta teldu.
– fríggjadagin 25. mars fara tit inn á facebooksíðuna hjá Føroyar lesa, har tit finna kotuna fyri at luttaka
– skriva kotuna í appina undir pinkotu
– skriva títt fullfíggjaða navn
– so er klárt at spæla.
Vinnarin sær á sínum skíggja, um hann/hon hevur vunnið. Næmingurin skal vísa læraranum boðini um, at viðkomandi hevur vunnið, og lærarin boðar Føroyar lesa frá á:
samband@føroyarlesa.fo ella á telefon: 555183.
Vinnararnir av kappingini kunnu gleða seg til bókapakkar frá føroysku forløgunum.
