Nógv fólk hevur vitjað á Atlantic Fair í dag, og hóast messan ikki endar fyrr enn í morgin, hevur stjórin á Atlantic Fair, Áki í Skemmuni og borgarstjórin í Klaksvík, Jógvan Skorheim, undirskrivað samstarvsavtalu, sum tryggjar at Atlantic Fair verður eisini í Klaksvík 2021.
Seinri verður videosamrøða við borgarstjóran og stjóran í Atlantic Fair at síggja á heimasíðuni hjá Norðlýsinum.
Atlantic Fair er opið til klokkan 17 í dag og letur upp aftur fyri seinastu ferð í morgin, hósdagin, klokkan 10 og framsýningin endar kl. 16 hósdagin.
