Seinastu 5 árini eru áleið 17 tons, av gomlum fríholdum fingin upp av botni, í Klaksvík. Fríholdini slitna javnan úr kaiunum tá skip leggja at og fara frá. Tá tey loysna søkka tey niður á botn. Um skip fáa fríhold í skrúvurnar, kunnu skipini fáa álvarsligar og kostnaðarmiklar skaðar.
Í Klaksvík hevur eitt samstarv millum Klaksvíkar Havn, Føroyska Vinnukavaraskúlan, Norðoya Bjargingarfelag og Vørn gjørt, at tá kavarar hava vant á botni, hevur møguleiki verið at fingið nøkur fríhold upp og burturbeind.
